galeidoscópio

Alfalfa e omega

2007-04-11T21:36:00.000+01:00

Coa excepción de Nietzsche, os lingüistas e os psicólogos non fixeron moito por exploraren o xénero ubícuo e ensarilhado da mentira. Apenas contamos cuns cantos estudos léxicos da impostura numas poucas línguas e culturas. Lóxica e ineludivelmente coartada pola reprovación moral e o desacougo psicolóxico, esta caste de investigación segue a ser infrecuente. Comprenderemos as cousas con maior claridade só cando deixemos de ver a antiverdade como uma categoria negativa, cando cheguemos a admitir que o pulo irresistível de dizer “o que non é” atópase no cerne mesmo da linguaxe e do pensamento.

George Steiner, Despois de Babel. Aspectos da linguaxe e da tradución (tirado da versión ao espanhol de Adolfo Castañón e Aurelio Major, editada por Fondo de Cultura Económica).

· Imaxe: Pantocrátor da ábsida de Sant Climent de Taüll/Tahull

Círculo bipolar

2007-03-26T16:43:00.000+01:00

Se, na meirande parte dos casos, as repercusións das enfermidades afectan ao contorno persoal do doente, esta obviedade resulta ainda mais sangrante con respeito aos transtornos psiquiátricos, cargados dun forte estigma social de incomprensión, ocultamento e tabú.

Con independéncia da violéncia de raíz machista, tampouco ven desvirtuar a realidade reconhecermos que existen homes vítimas de maltrato psicolóxico e até físico. Nestas situacións, o siléncio é case obrigado e a indefensión social e xurídica manifesta.

· O Bosco, Extración da Pedra da Loucura (1475-80)

A todo risco

2007-03-26T16:21:00.000+01:00

Don Vicente disertando sobre o sexo e as teorias freudianas:

Sinxelamente: o fomento centífico do vicio, a base de bioloxía e de psiquiatría freudiana e de endocrinismo e demáis chafalladas. Que non é outra cousa máis que vicio, iso do amor libre, ao que tenden estas propagandas, máis ou menos direitamente. Non hai, non pode haber amor libre; o que chaman amor libre non é máis que vicio libre. O amor, por natureza, é servidume; onde hai libertade non hai amor. O amor non se pode reducir a un asunto de sexos. A virxinidade, o casamento, a fidelidade, os fillos, son cousas que requiren alma, que requiren sentimento, que requiren virtude, que custan esforzo e sacrifizo. Istes probes de esprito, istes cobardes, istes egoístas que compoñen o mundo moderno, non teñen folgos nen arnaces para ningún esforzo, para ningún sacrifizo. Pésalles a moral porque non teñen coraxe para ela, porque son menos homes que os de enantes; o que queren é aforrar traballos e darlle gusto ao corpiño. E non faltan doutores sen vergonza nen literatos cínicos para xustificaren a sua larchaneiría. Veleiquí o segredo do problema sexual.

Texto de Vicente Risco publicado na revista Nós, número 119, páx. 238; citado na biografía escrita por Carlos Casares sobre o intelectual ourensán, editada por Galaxia.

O perfil

2006-09-19T23:18:00.000+01:00

Certos ofícios requiren uma maior cualificación profesional que outros.

Calquera trileiro ou prestidixitador de médio pelo que non posúa uma notável destreza manual e mais un certo don de língua estará condenado a exercer de simples figurante ou camelista no espectáculo.

Para desempenhar moitas actividades agropecuárias e industriais, as maos operárias deverian gozar da mesma cobertura asistencial que o seguro dun concertista galego de piano ou duma guitarrista flamenca sherezana.

· Hyeronimus Bosch, O carro de feno

Por non falar doutras dotacións anatómicas que tanto interesan ao respeitável, a bota (esquerda ou dereita) do Fran ou do Bebeto —e descúlpense as mencións endogámicas alla Turca do deporte-rei, con licença pola redundáncia— tiveron mais ampla acolhida social que o sapato kruscheviao (dereito?) do Beiras, nos tempos en que Raxoi ainda non exercia de arcebispo alférez; Tourinho, de eterno aspirante a un límpido sotaque hispano-andalusí e o companheiro Quin, de reconhecido anovador da canción galego-portuguesa do verao.

Mas desde Hamurabi ou Mosheh/Moses [Moisés, en versión un-tanto-cateta-segundo-M. Barcia], pouca dúvida cabe que a ben denominada clase política representa a culminación da escala evolutiva mediática.

José Luis Rodríguez Zapatero, ZP para os inimigos, ven de dar un triple salto mortal adiante seguindo as linhas desenhadas hai uns meses polos seus sócios e leais competidores do Partido Popular.

Este hominho, que antes de ser investido presidente do governo promovia o exercício da crítica e da responsabilidade do poder coa cidadania e a aldeania (algo asi como uma Flor de Montouto exogámica: “se non te divirtes, demándasmo”) rematou caindo na mais grave das enfermidades profisionais.

Todo trileiro sabe que, cando remata a faena ou se achega a madeira, recolhe nun volado o bochinche e segue a ser o Roldán, o Eduardo ou a Luzia de sempre. O cantante cascado limítase a baixar o ton ou simular que canta, cando non lhe chega a voz. No entanto, Zapatero rematou por crerse o seu próprio personaxe, con risco patente de que a doenza sexa irreversível.

Os incendiários

2006-08-28T17:53:00.000+01:00

Ideoloxia reaccionária, dolo manifesto e ignoráncia temerária conxúganse no emprego da língua galega con intención ridiculizadora desde un médio de comunicación, amosando clara vontade de desprezo discriminatório cara a maioria das persoas da Galiza.

Estas práticas constitúen un atentado continuado contra os dereitos lingüísticos, o património cultural e a lexislación vixente.

A barbárie ten mais delicto cando os autores materiais son xornalistas ou filólogos.

Burkas e outras máscaras

2006-08-18T15:17:00.000+01:00

(Da entrevista realizada por Paulo C. López ao poeta e tradutor iraquiano Abdul Hadid Sadun na Voz):

-Vostede traduciu Rosalía de Castro ao árabe. ¿Por que a literatura galega e por que Rosalía?

-En primeiro lugar, escollín a literatura galega porque sempre tiven atracción por aquelas linguas que, por diversas circunstancias, son linguas minorizadas. O feito de escoller a Rosalía de Castro é por ser unha das voces máis importantes da literatura ibérica. Traducín a Rosalía ao árabe pola súa poesía pioneira no seu tempo, ademais de polo feito, importante, de ser muller, algo moi novidoso na época. Tamén me interesan outros escritores galegos, en especial Álvaro Cunqueiro. De feito, xa traballei con varios relatos del.

· Imaxe: Logotipo do Grupo Teatral Universitario La Barraca.

Infabulación

2006-08-18T15:08:00.000+01:00

Mais de 6 millóns de persoas orixinárias do Líbano estabelecéronse no Brasil desde 1880.

A comunidade árabe-brasileira abrangue tamén povoación de procedéncia síria, palestina, exípcia, marroquina, xordana ou iraquiana, acadando uns 8 millóns.

· Imaxe: Selo conmemorativo dos 125 anos de imigración libanesa para o Brasil.

De par en par (2)

2006-08-09T07:59:00.000+01:00

· Saiu a lume O suxeito posmoderno. Entre a estética e o consumo, de Rebeca Baceiredo, Premio Ramón Piñeiro de Ensaio 2005:

"... o fluxo informativo desordenado esgota as rexións corticais do cerebro e impón unha percepción e un pensamento non asociativos. Por exemplo, os denominados espazos informativos, tras presentar fragmentos de realidade brutais e inconexos, rematan cun happy end, que permite proseguir co cotián sen escrúpulos morais. Se o que se ve é, e non o que se sabe (ou non se sabe), córrese o risco de crer nun mundo tan incoherente como nolo mostran. A experiência vicária substitúe á real e tómase como verdadeira, orixinaria, co conseguinte risco óntico e, polo tanto, fáctico. É dicir, se a realidade é allea e é ilóxica, a impotencia fronte a ela é o resultado e o espectador adoita desistir da súa responsabilidade como cidadán."

· E tamén está xa à venda o ensaio Os dominios de Caín, de Xosé Carlos Caneiro.

Entrevista a Sérgio Luís de Carvalho en La Voz de Galicia

2006-08-07T17:43:00.000+01:00

(Adaptado do orixinal na norma RAG, por J. Gómez, publicado na páxina 13 do suplemento Culturas do sábado, 5 de Agosto)

—Ultimamente tivo moitos contactos con galegos, no encontro Correntes d’Escritas, no Clube Biblos ou na Fundación Wenceslao Fernández Flórez. ¿Que conclúe desa relación?

—Os meus contactos galegos são mesmo muito antigos. Minha mãe é do Minho e, pelo lado da minha avó materna, tenho alguns antepassados galegos. Desde miúdo fui a Santiago de Compostela, a Tui, a Pontevedra, a Ourense. A Galiza faz parte da minha memória de infância. Por isso teve prazer de voltar à Galiza, agora como convidado. Foi muito agradável a recepção. Não vejo muitas diferenças entre Portugal e a Espanha. O problema é que há várias Espanhas.

—¿E entre portugueses e galegos?

—Aí não vejo diferenças, mesmo até na língua. Minha mulher, que é filóloga, afirma que partilhamos a mesma língua, com sotaques diferentes, e alguns arcaísmos vivos na parte galega que no português se perderam. Podemos dizer que há diferentes Hispanias e Portugal é uma parte delas. Acontece que, no lugar de dois países, Portugal e Espanha, há cinco países, porque estão Catalunha, o País Basco e, é claro, a Galiza.

Dereitos Lingüísticos (1)

2006-07-28T08:17:00.000+01:00

Declaración Universal dos Dereitos Lingüísticos

Artigo 38
Tódalas linguas e as culturas das comunidades lingüísticas deben recibir un trato equitativo e non discriminatorio nos contidos dos medios de comunicación de todo o mundo.

Todo pola pátria

2006-07-26T12:07:00.000+01:00

Umas 50 persoas, entre elas dous policias municipais, precisaron atención sanitária e, cando menos, 2 persoas foron detidas despois dos enfrontamentos que grupos ilhados de nacionalistas mantiveron coas forzas da orde en Madrid, despois do partido Espanha-Franza, disputado o pasado 27 de Xunho.

Milheiros de radicais reuníranse arredor da Praza de Colón baixo as consignas de “a por eles, oé” e “Espanha, Espanha”, provistos de cócteles con sustáncias etílicas diversas. O lanzamento de obxectos à via pública e a destrucción de mobiliário urbano provocaron a intervención das forzas de seguridade e os altercados cos manifestantes.

O tráfico estivo cortado entre o Paseo de la Castellana, Colón, Goya e Serrano, mentres as brigadas de limpeza recolhian as toneladas de lixo deitadas polos espanhois, que reivindicavan un novo estatuto futbolístico para a sua Nación.

· Foto: Operários de limpeza na Praza de Colón, Madrid.
· Imaxe: O “ñ”, símbolo do Instituto Cervantes.
· Fotogaleria de El País: Desilusión no Mundial.

Simetria vertical

2006-07-19T18:43:00.000+01:00

A repulsa do nazismo e do fascismo era, de seu, un ponto de coincidência e unidade entre as persoas e as forzas políticas demócratas.

· Foto de Jerry Lampen [como poderá comprovar quen siga lendo, non pretendo, en absoluto, relacionar esta imaxe co fascismo]: Un home tenta atravesar un control de seguridade británico para reunirse coa sua família na sitiada cidade de Basra (ou Basora), Iraq, 30 de Marzo de 2003.

Desde as correntes mais conservadoras dos Estados Unidos ou da Gran Bretanha, pasando polas chamadas sociedades civís da Franza ou dos países nórdicos até, sobre todo, da Alemanha e da Itália, os reximes totalitários pasados ou contemporáneos e os movementos neofascistas orixinavan uma condena categórica, sen demasiado esforzo e hipocrisias aparte.

En tres lugares públicos do Concelho de Oleiros (Parque José Martí de Santa Cristina, Parque Luís Seoane de Santa Cruz e Paseo Marítimo de Mera) desenvolvéronse as exposicións fotográficas correspondentes à segunda edición de Reve!a, Foro Internacional de Fotorreportaxe e Sociedade (en caso de non prorrogarse, hoxe seria o derradeiro dia).

No Parque de Santa Cristina, uma foto que non conseguin atopar na Rede, realizada por Jerry Lampen para a axéncia Reuters, fíxome reparar na andrómena esta do fascismo.

Entre várias dezenas de fotografias tiradas en lugares onde acontecen graves conflitos bélicos e humanitários, a imaxe —tomada por Lampen o 22 de Marzo de 2003— non seria, con certeza, nen a mais crua nen das mais atraíntes desde uma posível consideración estética: no centro do encadre, un iraquiano sae a pé da cidade de Basra cun colchón apoiado na cabeza e pasa —en apariência, indiferente— xunto a un blindado británico.

Na banda esquerda da imaxe, a silueta do tanque, pertencente à 7ª Brigada Courazada Británica, vese algo desenfocada, embora pódese ler a alcunha de guerra pintada no flanco dereito da máquina polos própios militares ao seu cargo: Pink Panzer, un xogo de palavras entre a Pantera Rosa dos debuxos animados infantís e os blindados do exército nazi, cos que tantas vitórias acadaran os alemáns sobre os británicos na Segunda Guerra Mundial.

Komunikando

2006-07-17T19:17:00.000+01:00

“Cando cheguei à Irlanda en 1986, comprovei que a meirande parte dos grupos de rock daquel tempo seguian as tendências da música americana e da británica, como se a cerna da que están feitos os músicos irlandeses non fora boa abondo. Esta autonegación producírase tamén no rock escocés dos 70 e dos 80; coido que alimentada polo xornalismo musical británico (...).

Pola contra, mentres trabalhavamos no Fisherman’s Blues, en Galway, decateime da forza que se pode transmitir erguéndose desde a própia tradición" (...)

(Do texto escrito por Mike Scott para a nova edición, en dous CDs, de Fisherman’s Blues dos Waterboys, co álbum orixinal remasterizado e un CD con gravacións inéditas).

· Arriba, cartaz d’A Per Loca (CD de música feita na Galiza, salvo excepcións, e programación de concertos para este verao). Mais información en Komunikando.

· Na foto: Xosé Ferreirós, gaiteiro e multinstrumentista de Faíscas do Xiabre e de Milladoiro.

Células faciais e Hipótese Gaia

2006-07-12T13:06:00.000+01:00

Alguns estudos estabelecen uma relación entre a rexión cerebral do córtex inferotemporal dos primates, clasificados ou non como humanos, e o reconhecemento de rostos alheos.

Un artigo publicado na revista Nature, recolhido por El País (06/07/06), defende a existência dumas chamadas “células faciais”, nas que residiria a capacidade de armazenamento duma série de rostos tipo, a partir dos cales cada indivíduo identificaria outros conxéneres.

Deste xeito, esta área cerebral entraria en funcionamento no proceso da formación de vínculos sociais, segundo o director do estudo, David A. Leopold, membro da Unidade de Neurofisioloxia Cognitiva do Instituto de Saúde Mental de Bethesda (Maryland). Tamén poderia contribuir à interpretación dos acenos de ledícia ou enfado.

A identificación levaríase a cabo por meio da determinación de elementos distintivos, como os olhos ou a configuración respeito do eixo de simetria vertical.

O mesmo dia en que El País publicava esta nova, o Jornal de Notícias informava sobre a discrepância manifestada por seis xornais de Vila Nova de Gaia verbo dos critérios de contratación da publicidade institucional por parte do governo municipal.

Os protocolos fixados polo Concelho estabelecian que os periódicos que asinaran os contratos cobririan “adequadamente” os actos públicos e actividades do governo e das empresas municipais.

No entanto, os xornais afectados fixeron público un comunicado no que manifestavan que nunca sentiran “qualquer tipo de pressão no caso de, por questões de agenda, não estarmos presentes nestes eventos”, mas entendian “que as coberturas das actividades da Câmara se reportam a todos os partidos que legitimamente o povo elegeu”.

Os asinantes reclaman que os protocolos funcionen como “regras” para fazer frente à “discriminação existente” nos últimos catro anos, na distribución da publicidade institucional entre os periódicos locais.

O semanário O Comércio de Gaia non participou neste comunicado conxunto alegando doenza da sua directora, que representou ao periódico na entrega por parte do alcaide da Medalha de Mérito Cultural e Científico – Grau Ouro, no Dia do Município, o pasado 28 de Xunho.

«Procuramos que estas homenagens sejam justas e sensatas, mas sem correr o risco da banalização», referiu Luís Filipe Menezes [presidente da Câmara Municipal de Gaia], evidenciando o exemplo de «comportamento cívico» das personalidades distinguidas [declaración extraída d'O Comércio de Gaia].

· Na foto, o presidente da Câmara Municipal de Gaia, Luís Filipe Menezes, entrega a Medalha de Mérito Cultural e Científico – Grau Ouro à directora d'O Comércio de Gaia, Maria Leonor Silva.

Pavilhão-ponte

2006-07-11T14:50:00.000+01:00

Será uma sobredose hormonal derivada da nutrición animal.

Pode deverse ao feito de termos atravesado xa hai tempo a idílica paraxe onde a primavera perde o seu casto nome. Con certeza, trátase tamén dun cadro sináptico preocupante para calquera persoa iniciada nos arcanos da fisio-alquímia neurolóxica.

Se a prisión preventiva é uma aberración, tanto humanitária como xurídica, a interrupción voluntária da actividade laboral privilexiada virá sendo a euxenia prática do agravo comparativo social.

· Imaxe: Recriación virtual do Pavilhão-Ponte proxectado pola arquitecta Zaha Hadid e ARUP para a Expo 2008 de Zaragoza.

De par en par (1)

2006-07-07T18:15:00.000+01:00

Despois de ler algumas animaladas, con perdón das bestas, contra Teresa Moure e Diego Ameixeiras no foro da Arroutada, pódese chegar a pensar que algúns políticos mesmo rezarian para que o accidente do metro de València fora un atentado.

· (Foto: César Quián/La Voz)

O rabo

2006-07-05T17:40:00.000+01:00

"A Consellaría de Sanidade recrimina a unha empresa por utilizar o galego na súa etiquetaxe" [web da CIG]

O Departamento de Normalización Lingüística da Confederación Intersindical Galega (CIG) acaba de ser coñecedor [27/06/06] do contido dun escrito do Servizo de Protección da Saúde da Delegación Provincial de A Coruña da Consellaría de Sanidade no que se recrimina á empresa Eurofruit Santiago SL pola utilización da lingua propia de Galiza.

Con base nun Real Decreto do ano 1999, que privilexia o uso do castelán fronte aos outros idiomas oficiais do Estado (feito dubidosamente democrático), o devandito Servizo de Protección da Saúde da Xunta de Galiza ameaza á empresa Eurofruit con “tomar as medidas oportunas” no caso de que non empregue o español na etiquetaxe dos seus produtos alimentarios, produtos que teñen como destinatarios os cidadáns galegos.

· Foto: Campo de Triscórnia, na Baía da Habana, onde eran retidos os emigrantes galegos antes de seren reclamados para trabalharen.

Os cornos

2006-07-03T14:48:00.000+01:00

Coincidindo coa estadia do presidente da Xunta en Portugal, iniciouse hoxe a actividade do Mercado Ibérico de Electricidade (MIBEL), coa posta en marcha do Operador do Mercado Ibérico de Energia Português (OMIP), que estará integrado, en princípio, por sete empresas portuguesas e espanholas.

A altura de miras da imprensa galega e da axenda do devandito líder europeu impídelhes detérense nestas minúcias, mais próprias do nanofundismo informativo e político.

· Foto: Fervenza da desembocadura do Rio Xalhas no Ézaro, Concelho de Dumbria; web da Deputación da Corunha.

Na páxina do Operador português estabelécense os obxectivos fundacionais deste Mercado Ibérico:

O Mercado Ibérico de Electricidade (MIBEL), constitui uma iniciativa conjunta dos Governos de Portugal e Espanha, sendo um passo importante na construção do mercado interno de electricidade.

Com a concretização do MIBEL, passa a ser possível, a qualquer consumidor no espaço ibérico, adquirir energia eléctrica, num regime de livre concorrência, a qualquer produtor ou comercializador que actue em Portugal ou Espanha.

O MIBEL tem como principais metas:

· Beneficiar os consumidores de electricidade dos dois países, através do processo de integração dos respectivos sistemas eléctricos.
· Estruturar o funcionamento do mercado com base nos princípios da transparência, livre concorrência, objectividade, liquidez, auto-financiamento e auto-organização.
· Favorecer o desenvolvimento do mercado de electricidade de ambos países, com a existência de um preço de referência único para toda a península ibérica.
· Permitir a todos os participantes o livre acesso ao mercado, em condições de igualdade de direitos e obrigações, transparência e objectividade.
· Favorecer a eficiência económica das empresas do sector eléctrico, promovendo a livre concorrência entre as mesmas.

Rotativa

2006-06-30T11:17:00.000+01:00

"Paulo Neves inaugurou obra no Palácio Real"
(Jornal de Notícias, 30 de Xunho de 2006)

Acaba de ser inaugurada em Espanha, na Corunha, a escultura "Roda", em mármore de Estremoz da autoria do escultor português Paulo Neves.

A peça, encomendada pelo Município da Corunha, está desde há dias exposta nos jardins do Palácio "Paços Mariña", local onde os reis de Espanha tradicionalmente passam as suas férias de Verão.

Com um metro e oitenta e cinco de diâmetro a escultura de Paulo Neves representa, segundo o próprio disse ao JN, "o movimento da vida, no fundo, tudo gira e a roda deixa, naturalmente, marcas". (...)

... acrescentou, revelando que a peça agora ali presente pretende essencialmente registar e assinalar o percurso da vida do comum dos mortais.

· Rascunho a rodapé para pessoas não galegas:

Quixera aclarar que non se trata de Palácio Real nenhun. Os reis de Espanha non pasan ali as suas férias, nen tradicional nen excepcionalmente. O lugar chámase Pazo Marinhán (oficialmente, Pazo de Mariñán). Témome que a peza non foi encomendada polo Município da Corunha, mas pola Deputación provincial.

Xa non sei se ousar dizer que o pazo está ubicado no Concelho de Bergondo, pro-víncia da Corunha, e que A Corunha está na Galiza (mentres non se acade o contrário, dentro da Espanha ou Ex-panha, no idiolecto dun respeitável e afamado xornalista).

Prefiro acreditar cegamente nos dados de material e diâmetro da escultura.

Ligazóns:

· I Simpósio Internacional de Escultura (Deputación da Corunha)

· Mariñán inaugura o seu xardín das esculturas (Galicia Hoxe, 16/06/2006)

ISAAC DÍAZ PARDO: "Dereito a sentirnos traicionados"

2006-06-29T18:44:00.000+01:00

· Publicado en Galicia Hoxe (texto completo, aqui):

A realidade é outra da que dan, en xeral,os medios sobre o "affaire" de Sargadelos, cando preguntan a todos menos a min.

Sr. Santiago Sineiro, avogado e até hai poucas semanas administrador de Sargadelos, quen recibeu as súas participacións sociais na empresa gratuitamente, igual que a súa señora, tamén gratuitamente, as que ten no Seminario de Sargadelos. (...) [Mais]

· Foto de Díaz Pardo en Magdalena, Arxentina, 1963.

O índice

2006-06-27T15:12:00.000+01:00

A imprensa comezou a morrer o dia en que perdeu o seu rol histórico no mercado. Cando as grandes superficies comerciais desbancaron ao estabelecemento multiservizo do rural e mais às prazas de abastos e às pequenas loxas de bairro nas vilas e cidades, velaí o princípio da fin. Outros usos hixiénicos fóranse dando a esquecemento.

Aos meios que non viven do imposto revolucionário nen do ouro de Moscovo abondarialhes con mostraren un mínimo de respeito (chamémoslhe “intelectual”) pola audiência. Deixando de lado a profesionalidade e mais a calidade do trabalho de documentación e transmisión da información (sexamos realistas, que para algo nos agardan a resurrección e a vida eterna),
a manipulación, a falsidade, a ocultación e a terxiversación son mais facilmente detectáveis que calquera gralha ou malformación sintáctica e, ademais, sen necesidade de programa informático nengun.

Mas aqui, quitados os enfrontamentos entre os competidores direitos e os oligopólios mediáticos, todo fica dentro da mesma confraria e parróquia virtual do para-olimpo periodístico. Hoxe por ti, manhá por min; cada un na sua casa e o silêncio corporativo na de todos.

Que razón de ser pode ter un Coléxio de xornalistas que tolera a censura aberta ao Ramonet e ao Ramón Chao, sen irmos mais lonxe?

(Pido desculpas a quen merece reconhecemento polo seu trabalho, cando o problema destas lérias é que os de sempre seguen campando ao seu antoxo, créndose uns fenómenos da comunicación, e as únicas persoas às que lhes importa algo disto son as que xa adoitan fazeren o que está na sua mao).

En canto à comédia da presunción de inocência, en Euskal Herria a xente non-abertzale lavávase as maos sobre a sua responsabilidade nos asasinatos e demais atentados de ETA, cuma autoxustificación fondamente interiorizada cara as vítimas: “algo faria”, pensavan e dizian. E na Galiza, para uma vez que os políticos case cumpren coa sua obriga, velaí van os meios detrás a traduzírenlhes en palavras a pantomima legalista.

Seria, entón, procedente a presentación duma iniciativa parlamentar que proponha a paralización das subvencións aos centros de ensino dependentes da Igrexa Católica —e dos seus brazos empresariais—, mentres a Conferência Episcopal non condene e impida as práticas pederastas dalgun membro do clero? Seria lexítimo relacionarmos Igrexa ou Xerarquia e pederastia?

Penso que xa vai sendo tempo de escoitarmos o rexeitamento oficial sincero do terrorismo de Estado, por boca das Cortes, do Governo espanhol e do PSOE.

Pode ser certo que todas sexamos iguais perante a Lei. Mas, polo visto, a realidade, a história e moitos versículos tamén prescreven.

BLOG "Falamos galego. En positivo"

2006-06-26T20:59:00.000+01:00

Colo parte da Presentación de "Falamos galego. En positivo", blog criado por Marcos Valcárcel e Afonso Vázquez-Monxardín.
Conta con artigos de Xurxo Sierra Veloso, Alfredo Conde, Manuel Bragado, Helena Villar Janeiro ou Víctor Freixanes e notícias de diversos xornais relacionadas coa língua:

Dende hai un par de meses hai un ruxe-ruxe polo mundo cultural galego e tamén polo mundo das bitácoras galegas arredor da necesidade de buscar un novo estilo de defensa da nosa lingua. Un novo estilo que se define na cabeceira desta mesma bitácora, “Falemos galego. En positivo”, e que pretende buscar tamén un novo discurso que poña sempre en primeiro plano os aspectos positivos da recuperación do idioma e non aqueles, negativos e mesmo de confrontación agresiva, que xa son demasiado subliñados nos medios de comunicación tradicionais. (...)

O paso seguinte precisa da colaboración de todos/as vostedes: agardamos polas súas reflexións e pertinentes tomas de posición que serán trasladadas a este espazo virtual para que o debate prosiga e nazan novas ideas e propostas, sempre en positivo. Todos e todas aqueles que queiran participar só teñen que mandar as súas reflexións ós enderezos que figuran na cabeceira desta bitácora e serán aquí reproducidos ó dispor de todos os interesados en que o noso idioma poida gozar das “mil primaveras máis” que soñou o señor de Mondoñedo, don Álvaro Cunqueiro.

· Benvidos, presentación (texto completo).

Fora de órbita

2006-06-22T14:26:00.000+01:00

Melanchton (1541) vai alén: considera absurda a nova teoria e quere que as autoridades intervenhan para impediren a difusión dumas ideas que ameazan à sociedade constituída sobre o sentido común, a física aristotélica e a Sagrada Escritura. O argumento da orde pública aparecia de novo como na época de Aristarco. E se polo lado católico a reacción foi algo mais tardia, non por iso foi menos violenta.

(Juan Vernet, Astroloxia e astronomia no Renacemento. A revolución copernicana, El Acantilado)

· Imaxe superior: De Revolutionibus, autógrafo de Copérnico (data aproximada: 1520. A primeira edición saiu a lume en 1543).

· Copérnico, De Revolutionibus, editado en Basilea [1566].

Código de barras

2006-06-19T22:18:00.000+01:00

“A agresividade vese hoxe restrinxida e suxeita por meio duma série considerável de reglas e de conviccións que remataron converténdose en autocoaccións. A agresividade transformouse, refinouse, civilizouse, como todas as demais formas de prazer e tan só se manifesta algo da sua forma imediata e irreprimível nos sonhos ou en explosións ilhadas que adoitamos tratar como manifestacións patolóxicas.

... un control social mais intenso, ancorado na organización estatal, domina as manifestacións da crueldade, a alegria produzida pola destrución e os sofrementos alheos, e mais a afirmación da superioridade física.”

(Norbert Elias, O proceso da civilización. Investigacións socioxenéticas e psicoxenéticas, Fondo de Cultura Económica; tradución ao espanhol de Ramón García Cotarelo)

Foto: Silvia Bach/Terra

· Amanhã, terça-feira/martes 20, debate sobre a imigración africana no programa Enfoque (La 2, 22.30).

O hábitat e o monxe

2006-06-14T15:02:00.000+01:00

O pasado dia 9, na Cadea SER comentaron un artigo de Robert Fisk publicado en La Vanguardia sobre Abu Musab Al-Zarqaui, morto nun ataque aéreo das forzas estadounidenses no Iraq. Segundo o xornalista britânico, as circunstáncias polas que os servizos de información dos Estados Unidos vencelhavan ao xordano con Al-Qaida semelhavan pouco consistentes. Fisk mencionava, como principais provas, a entrevista mantida por Al-Zarqaui con Osama Ben Laden e o seu posterior traslado a un “miserável val” ao Nordeste de Bagdad.

Con certa frecuência, os meios transmiten nas suas informacións algún dado sobre o lugar onde se deslocan os persoeiros nos que centran o seu interese. Así, Bush descansava nun rancho, Juan Carlos Borbón desfrutava da neve na estación de Baqueira-Beret, Fraga Iribarne retirávase co seu governo a un mosteiro durante a Semana Santa.

Porén, as referências periodísticas às moradas da xente ilustre nunca consideraron relevante fazeren mención à orografia do contorno: se o rancho estava situado numa amena planície, a residência réxia nun cume escarpado ou o mosteiro galego na beira duma serena lagoa.

Anos atrás, producíronse na Espanha diversos conflitos racistas nos que alunos ciganos eran rexeitados dos seus centros de ensino. Despois de os rapaces discriminados seren trasladados a outra escola, a vozeira dun centro quixo apaciguar os ánimos declarando que “os pais” (ainda non existia a corrección política de sexo no Reino) podian ficar tranquilos.

Naquel tempo, nengun estudo científico demonstrara a perda da capacidade biolóxica da reprodución no povo cigano.

O doente público

2006-06-12T14:01:00.000+01:00

HOXE, às 23.30 (hora peninsular espanhola), na TVG:

“SOMOS UNHA POTENZIA”, con Carlos Blanco.

No entanto, a televisión pública galega precisa tamén —ademais desta viagra agridoce para a autoestima— dun programa coas características de
Hai Debate!
O dia e o horário de emisión, a selección e a distribución dos asuntos dentro de cada espazo ou os critérios de elección dos convidados podian ser discutíveis; porén, a sua moderadora, Sonia Vizoso, realizou un trabalho mais que aceitável dentro dun ámbito demasiadas vezes submetido a contínuas presións políticas.

Esperemos que a dirección decida a volta do programa, con liberdade de acción e continuidade. (Despois do verao?).

Ordem e progresso

2006-06-07T13:24:00.000+01:00

Manifestantes do Movimento de Libertação dos Sem Terra (MLST), grupo constituído en agosto de 1997 por disidentes do Movimento dos Trabalhadores Rurais Sem Terra (MST) e militantes de esquerda, irromperon onte na Câmara dos Deputados brasileira. (Foto: EFE).
Entre as persoas detidas está Bruno Maranhão, secretário nacional de movimentos populares do Partido dos Trabalhadores, organización que fai parte do Governo e repudiou a ocupación.

En Setembro de 2005 artelháronse manifestacións por todo o Brasil en contra da corrupción e a prol da reforma política.

· Foto: Eraldo Peres/AP

“No Brasil existem hoje 20 milhões de pessoas desempregadas; 14 milhões que não têm uma casa para morar; 50 milhões são indigentes; 80% é semi-analfabeta (ou sabem quando muito escrever o primeiro nome); é um país onde 1% dos proprietários rurais possui 46% das terras do país, um dos que concentra o maior rendimento a nível mundial e, ao mesmo tempo, produz uma das maiores desigualdades sociais.” (Vanderlei Martini, membro do Movimento dos Trabalhadores Rurais Sem Terra)

Revelações

2006-06-05T13:55:00.000+01:00

· Hieronymus Bosch, O Xardin das Delícias Terrenas (panel central), 1504

O acto foi seguido desde primeira hora por decenas de miles de cidadans, que provistos de abanos e garrafas de auga, desafiaron a intensa calor: perto de 37 graos ao sol, segundo indicava o termómetro situado ao pé da tribuna de autoridades. (...)

Especialmente aplaudido foi o paso dos integrantes da Garda Civil e a Lexion, cuxa mascote, uma cabra, foi recebida con berros de “Guapa, guapa”.

(La Voz de Galicia, 29/05/06)

En ofensa própria

2006-06-01T14:58:00.000+01:00

O Grupo de Estados contra a Corrupção (GRECO), do Conselho da Europa, tornou ontem [24 de Maio] público o relatório sobre o combate ao crime económico relativo a Portugal. Além da "falta de uma estratégia de combate à corrupção", o relatório resulta num retrato que pode ajudar a compreender as razões para a falta de resultados (...)

(Público, 25 de Maio de 2006)

Os números

2006-05-30T17:15:00.000+01:00

No dia 25 de Abril, Cavaco Silva "não quis maçar os deputados com os números" que atestam a liderança portuguesa da União Europeia na desigualdade de distribuição de rendimentos. Mas surpreendeu-os ao escolher o combate à exclusão social como causa nacional. Um mês depois, passou das palavras aos actos.

(Diário de Notícias, 26 de Maio de 2006)

· Fotografia de Cavaco Silva, por Luís Forra/Agência Lusa; tomada do diário Público do 29 de Maio.

Spam

2006-05-29T08:09:00.000+01:00

Parabéns para Francisco Castro, que recebeu en sábado pasado o Prémio Blanco Amor pola sua novela Spam.

Francisco Castro tamén é o coordenador dos III Diálogos Literários de Marinhán, que terán lugar esta quinta/xoves, 1 de Junho, na Corunha e nos dias seguintes en Bergondo.

A impressão

2006-05-25T17:30:00.000+01:00

“Mas uma coisa é o que as pessoas pensam, aquilo que o coração lá dentro fala na cabeça, já modificado pelas razões dele, a vaidade, a preguiça de pensar mais, a raiva nas pessoas, o pouco saber; outra, os casos verdadeiros de uma maca.”

maca (do kimbundu, maka, conversa, palavra) f. Em Angola, assunto; conversa; disputa.

(José Luandino Vieira: “Estória do ladrão e do papagaio”, em Luuanda)

"O cidadán do mes" cambia para Libraría Sisargas

2006-05-25T08:16:00.000+01:00

Colo este aviso de Brétemas, ainda que non deveria:

[HOXE, quinta/xoves]
Unha inundación da Libraría Couceiro (vaia mala sorte, dous accidentes deste tipo nun mesmo mes!) obríganos a mudar o lugar da presentación de [HOXE, quinta/xoves] d' O cidadán do mes á Libraría Sisargas (Curros Enríquez 9) da Coruña. Agradecemos moito este cabo que nos botou Marta Souto, a responsable da aquelada libraría de Monte Alto. Este xoves, pois, ás oito, acompañando a Diego Ameixeiras estarán Miguel López Calzada e Fran Alonso falando do detective Dopico. Agradezo que se difunda na rede este cambio tan obrigado como precipitado.

Letras mistas

2006-05-23T22:25:00.000+01:00

Saadia Bedief nascera em Tessala, no departamento de Orã, na Alxéria, en Maio de 1923. Sendo uma nena, morreram seus pais, vendo-se obrigada a durmir na rua e ganhar a vida esfregando chaos nas casas dos colonizadores. Analfabeta e sem saber apenas falar francês, sendo ainda moza uniu-se a um grupo de músicos ambulantes que tocavam por cafés e tabernas. Começam tamén a chama-la para festexar bodas e circuncisões, celebrações nas que as cheikhas cantam ao sexo sem pudor nenhum.

En 1952 fai o seu primeiro rexisto fonográfico, em cera, e no 54 —xa baixo o nome de Cheikha Rimitti— grava Charak gataa, uma cançom satírica sobre o tabu da virxindade feminina (“Rompe-o, racha-o, que Rimitti o coserá de novo”). Porém, após o país acadar a independência —em 1962—, a Frente de Libertaçom Nacional impõe-lhe o veto na rádio por considerar que as suas canções estavam contaminadas pola colonizaçom.

A partir dos anos 70 principiou a dar concertos para a comunidade alxeriana no exterior até que, a finais da década, decidiu emigrar a Paris na procura de maior liberdade, estabelecendo-se no bairro de Barbès.

Pouco amiga de televisom e entrevistas, tardaria em acadar sona internacional apesar da apropriaçom de peças suas por parte das novas figuras do rai.

RdL06

2006-05-22T08:54:00.000+01:00

Colo un aviso da Resaca das Letras 2006:

Desde a Facultade de Ciencias Sociais e da Comunicación de Pontevedra organizamos, para o martes 23 de Maio,ás 16:15, a Resaca das Letras 2006 [RdL06], unha xornada na que buscamos reivindicar a web galega. Queremos convidarvos a asistir, xa que o interese está asegurado ao falaren Amador Loureiro (dorfun), Berto Yáñez (chuza, aduaneiros), María Yáñez (Vieiros, todonada), Carlos Santiago (Arredemo), Marcus Fernández (codigocero) e Luis Álvarez Pousa (Tempos Novos). Tamén agradeceriamos que puxesedes unha nota nos vosos blogs a cerca do evento, xa que da asistencia dependerá a continuidade do certame en anos vindeiros.

Un saúdo a animádevos a vir a Pontevedra este martes!

Para calquera cousa: resaka06@gmail.com

Mandala (A roda da Compaixão)

2006-05-18T15:23:00.000+01:00

Manifestacion auténtica da iluminacion -lonxe das consabidas: avarícia, luxúria, gula, língua galega, liberdade de pensamento e outras postracions contemporáneas- poderia ser, chegado o caso, un elevado grao de renúncia, compaixon e entrega prévio à definitiva disolucion no Absoluto.

Entrevista a Siro López en Galicia Hoxe

2006-05-15T19:49:00.000+01:00

Facer humor da política sempre foi un asunto arriscado, sobre todo nalgúns anos. ¿Algunha vez se sentiu censurado?

Censurado pola dirección do periódico La Voz de Galicia ou de El Ideal Gallego nunca. Non obstante, na etapa do Ferrol Diario si que me sentía censurado porque eu lle levaba o debuxo ó director e dicíalle que se tiña algún problema, mo dixera. El aseguraba que non había ningún, pero ó día seguinte non saía publicado porque o conselleiro delegado así o decidía. Daquela, eu collín e, moi acertadamente, marchei, porque mo podía permitir, xa que non me dedicaba unicamente ó humor gráfico. Eu daquela traballaba tamén na oficina técnica de Bazán e puiden manter unha actitude moi digna, igual que intentei ó longo de toda a miña vida.

Despois desa primeira etapa, nunca me sentín censurado en ningún medio. Tamén é verdade que eu non son ningún necio e sei que un periódico de opinión como pode ser La Voz de Galicia ou EL CORREO GALLEGO non é unha revista de humor especializada como El Jueves, non é unha revista underground e polo tanto hai que facer as cousas dedicadas ós lectores que temos. A un señor que é católico practicante podes presentarlle unha caricatura de Rouco Varela, como as moitísimas que levo feito, e non poñelo moi ben precisamente, pero o que non podes facer é, por exemplo, atacar un dogma católico, cousa que si poderías facer nunha revista underground. Non considero que iso sexa censura ou autocensura senón simplemente utilización da propia intelixencia.

(Da entrevista realizada por Rosabel Candal a Siro López, publicada onte, domingo, 14 de Maio, no Galicia Hoxe).

Contra Caneiro

2006-05-12T19:33:00.000+01:00

Xosé Carlos Caneiro leva tempo proclamando ideias e iniciativas a prol da cultura galega (na Voz de Galicia e no Diário Cultural, que dirixe Ana Romaní na Rádio Galega) sen que, en apariéncia, surtiran efeito nengun. No entanto, e ainda que el poda pensar o contrário, acredito que tampouco está a predicar no deserto.

Por non ocupar demasiado espazo en As uvas na solaina, vou respostar aqui ao chamamento à participación colectiva no uso activo do galego.

En princípio, concordaria cos comentários realizados no blog sobre a despolitización da língua, reconhecendo sempre a contribución fundamental do nacionalismo à melhora da consideración social do galego.

A situación actual da língua require a criación de foros sectoriais e xerais onde se recolhan e proponhan planos “técnicos” e iniciativas particulares. A Internet é un médio que pode resultar ben útil tamén para desenvolver estes encontros e manter a sua continuidade. A Rede está a dar un novo pulo ao galego e o abaratamento das comunicacións telefónicas através da Internet ou similares pode ser uma via clave para a consolidación da língua e para o estabelecemento de relacións culturais e económicas entre a Galiza e a chamada lusofonia.

Gostemos ou non, a meirande parte da xente, con todo o dereito, outórgalhe valor ao benefício e desfrute mais inmediatos. E, como acontece coa Fazenda, a língua non somos só as Conselharias.

Haverá, pois, que partir duma série de premisas políticas baseadas en vantaxes e contrapartidas económicas, procurando estratéxias para evitar o confrontamento e a polarización social.

Eis algumas propostas político-administrativas e económicas necesárias:

1. Elaboración de campanhas de información e actividades formativas regulares destinadas à povoación xeral.
2. Cumprimento da Lei e do Plano de Normalización Lingüística.
3. Carta de dereitos lingüísticos e defensa xurídica efectiva.
4. Estabelecemento do galego como língua veicular en todo o ensino.
5. Normalización oral e escrita de todas as Administracións.
6. Promoción fiscal e económica da galeguización real, tanto oral como escrita, das empresas ubicadas na Galiza, con independéncia da ubicación da sua sede social.
7. Desenvolvemento de accións públicas e privadas a prol da presenza da literatura galega na sociedade.
8. Fomento da contratación privada e pública de actividades artísticas en galego.
9. Afondamento numa auténtica interrelación coas culturas “lusófonas”. Convénios de colaboración e coprodución entre grupos de comunicación galegos e lusófonos, estimulando o investimento destes últimos na Galiza.
10. Cota mínima de dobraxe do cinema e demais médios audiovisuais en línguas distintas do galego-português e realización de versións orixinais lexendadas.

(Na imaxe: Gargallo, O profeta, 1933)

O hórreo

2006-05-10T13:04:00.000+01:00

A lenda da faixa mais comentada dos últimos tempos (“PESCANOVA" SI, EcoFascistas NOn) -vese às claras que o “n” da negación en galego foi engadido despois de escrito o texto e mesmo rachando o marco- ilustra mais conflitos dos que a própria imaxe semelha querer reflexar.

Tratouse abondo xa a cuestión laboral e do desenvolvemento económico na Costa da Morte e na Galiza interior. Tamén a complicada relación entre industrialización e meio ambiente. E houvo referéncias à independéncia do poder político fronte às presións de intereses privados.

Na minha condición de ignorante acho que case todas as afirmacións que lin e escoitei estes dias sobre o asunto están cheas de razón.

Só desde o mais absoluto desconhecemento da teoria e a estrutura económica poderíase desbotar uma planta acuícola como as que xa enchen de riqueza Cabo Vilán ou o mar de Lira (obrigado ao exército belga por atraer ao espanhol cando o Prestige) e maltratar uma empresa que supedita a racionalidade do mercado e as esixéncias da competéncia, sacrificando os seus posíveis benefícios, a prol do desenvolvemento do país que a fundou e ao que tanto aportou durante toda a sua história.

Hai dias nos que un érguese co pe esquerdo -o mais demagóxico dos dous que ainda conserva- lamentando que non sexa domingo para poder ir contemplar a espectacular fervenza do Xalhas.

(Parabéns ao Parlamento por elaborar leis positivas en caso de obrigado cumprimento e, nesta cuestión, ao Governo galego, ao presidente Touriño e ao vice-presidente Quintana por manteren uma postura racional en defensa do interese común).

O botafumeiro

2006-05-08T15:07:00.000+01:00

Abandonaron a nave central, como corresponde a duas persoas dignas, o teólogo Xosé Chao Rego e mais o caricaturista Siro López.

· Adeus, irmáns, serenos (coluna de despedida de Xosé Chao Rego na Voz).

A penúltima cea

2006-05-08T15:04:00.000+01:00

Xornalismo de investigación como Deus manda.

Livro de estilo

2006-05-02T21:50:00.000+01:00

Será esta a explicación de LA VOZ DE GALICIA sobre a censura imposta às discutíveis colaboracións de Ignacio Ramonet e Ramón Chao?

· Adicado ao dereito à información, à liberdade de expresión, e ao perfeccionismo do autor (e por se poidera ser constitutivo de flagrante rigor profesional), onde na coluna da Voz di "Tras meterle un buen facazo a la organización", na edición impresa pódese ler "Tras endosarle una factura con varios ceros a la organización".

A teta e a lúa

2006-04-27T17:14:00.000+01:00

O pequeno contributo do Estado para a correcção das desigualdades de rendimento é uma característica dos países do Sul da Europa. Para além de Portugal, também a Grécia, Itália, Espanha e Malta são países em que as transferências sociais pouco ajudam na diminuição do número de pessoas em situação de risco de pobreza.

(DIÁRIO DE NOTÍCIAS, 27/04/06. O texto à beira da foto corresponde a outra notícia).

Patente de corso

2006-04-25T15:12:00.000+01:00

LA OPINIÓN DE A CORUÑA encabezava a sua edición do pasado sábado cun titular que poderia estar perto da calúnia ao ex alcaide corunhés: “Vázquez xestiona como embaixador un empório imobiliario en Roma” (asi, ainda que en espanhol, na capa; na notícia ampliada no interior múdase “xestiona” por “administra”).

Como se non abondara coas suas actividades ilícitas mais evidentes, o xornal semelhava estar dando a entender que o actual embaixador espanhol no Vaticano estava a aproveitarse da misión diplomática para realizar negócios privados.

O control da información por parte dos meios non é uma cesión gratuita dun património cívico no que se fundamenta en boa medida o auténtico exercício da liberdade de opción política.

Calquera vulneración do dereito a receber —e o dever de transmitir— uma información veraz constitúe un grave atentado contra os princípios sobre os que se asenta a democracia real. A cuestionável prática deontolóxica na que está sumida a maior parte da imprensa na actualidade vai obrigar às persoas e às organizacións sociais a empreendermos accións xudiciais para a protección deste dereito.

O século das luzes

2006-04-21T15:05:00.000+01:00

Hai que remontarse nas hemerotecas até onte para atopar a notícia da primeira celebración oficial do Dia das Letras Galegas por parte do Concelho da Corunha. E tivo que fuxir o condottiero por temor à acción da Xustiza, para que esta institución pública deixara de eludir criminosamente as suas obrigas sociais, políticas e xurídicas.

Mas, embora o que diga o tango, 23 anos son demasiados como para crer que ninguen pode actuar tanto tempo en solitário.

Na República Dominicana, o apoio duma camada de acólitos lambebotas ao sucesor de Rafael Leónidas Trujillo, traduciuse numa sutil máxima que mesmo chegou a tomar entidade como agrupación política: “O que diga Balaguer.”

Na cidade “cabeza, garda, chave, forza e antemural (!) do Reino da Galiza” —segundo reza no frontispício do seu palácio municipal— tamén existiu un pilar ideolóxico e propagandístico do nacionalismo recluínte propugnado polo alcaide Vasques.

O xornal que agora pretende lavar as maos da sua contribución servil ao vazquismo, aparte das suas próprias accións contra a língua e a cultura galegas —servíndose, ademais, de fondos públicos que tinhan que destinar para a sua defensa—, convertiuse durante todos estes anos nun auténtico bozo da Galiza real, plural e democrática.

(Afortunadamente, tamén hai xente como Xaquín Marín, Marina Mayoral, Xosé Carlos Caneiro, Camilo Franco, Miguelanxo Murado, Xesús Fraga, Tucho Calvo e moitos outros profesionais que puxeron a sua nota de normalidade entre tanta manipulación, propaganda e desinformación baratas).

Ainda que as atitudes estexan a mudar hipocritamente, as responsabilidades históricas non poden ficar impunes.

Captatio benevolentiae

2006-04-19T15:50:00.000+01:00

Filosofia e Violéncias constitúe o cerne da presente edición da Semana Galega de Filosofia, organizada pola Aula Castelao.

Desde a sua coluna da Voz de Galicia, Marina Mayoral fazia un chamado racional ao “talento” e ao “trabalho, sen burlas e sen indignacións” para acadar uma linguaxe anovada, desprovista de carga ideolóxica androcéntrica.

Numa entrevista realizada semanas atrás para A Nosa Terra, a anterior coordenadora da Aula Castelao, Carme Adán, asegurava levar como declaración de princípios impresa en várias camisolas: “Somos malas, pero podemos ser peores.”

Literatura em Viagem

2006-04-17T19:12:00.000+01:00

No blog Deriva das Palavras —que conhecin via Cabaret Voltaire— fálase do primeiro encontro Literatura em Viagem, organizado pola Câmara Municipal de Matosinhos (na bisbarra do Porto), que terá lugar esta próxima fin de semana, do dia 22 ao 24 de Abril.

· En sábado 22, Xavier Queipo participará na mesa “Que Faço Eu Aqui?”, xunto a Richard Zimmler e José Eduardo Agualusa.

· Por outra banda, Deriva das Palavras informa tamén da presenza amanhá, terça-feira (martes) 18, de João Pedro Mésseder nun Encontro sobre a sua escrita, organizado pola Universidade de Santiago. Ademais, haverá uma palestra acerca da Literatura infantil en Portugal.

Santos ofícios

2006-04-10T15:44:00.000+01:00

Todas as comparacións adoitan seren pouco afortunadas; porén, hai algumas que resultan mais noxentas do que outras.

Un industrial arousan procesado por vários delitos contra a saúde pública, entre outros, foi interrogado polo fiscal sobre a veracidade do informe policial.

Os funcionários que procederan ao rexistro do seu domicílio aseguravan que atoparan o imputado agochado nun depósito de auga existente na vivenda.

O acusado negou a maior aclarando que, por mor das altas temperaturas rexistradas aquel dia, refuxiárase no lugar mais fresco da casa.

A cadea de radiodifusión propriedade da Conferéncia Episcopal Espanhola ven de ser expulsada da asociación que realiza o Estudo Xeral de Meios en Espanha (EGM), por intervir no proceso de elaboración das enquisas do devandito estudo.

José Antonio Abellán, responsável oficial da equipa de investigación da COPE encarregada da actuación, afirma que tentava demostrar, precisamente, que o EGM é facilmente manipulável.

A cantante cega

2006-04-06T15:20:00.000+01:00

· JUSTIÇA RESTAURATIVA - A era da Criminologia Clínica
por Renato Sócrates Gomes Pinto (via Patologia Social).

”Vivemos um tempo de expansão da violência e da criminalidade ao mesmo tempo em que se percebe a ineficácia do sistema de justiça criminal —notoriamente incapaz de oferecer resposta adequada a esse fenômeno complexo e angustiante.” (Mais).

A boneca de Kafka

2006-04-06T15:16:00.000+01:00

· No blog Incursões, tamén via Patologia Social, resénhanse dous títulos de xuristas espanhois (Bacigalupo Zapater, Gimeno Sendra, Moreno Catena, Torres-Dulce) sobre a necesidade de “promulgar un novo Código Procesual Penal que responda à Constitución e à nova expresión da sociedade democrática” e que supere a vixente Lei de Enxuizamento Criminal.

Prospectiva Nevski

2006-04-06T15:13:00.000+01:00

É ben certo que o pior dos pesadelos pode materializarse cando vemos alguns sonhos feitos realidade.

A habitación chinesa

2006-04-04T14:30:00.000+01:00

Uma reportaxe publicada, uns dias atrás, no diário AVUI asegurava que mais de 2000 persoas están a aprender chinés en Barcelona. A crecente importáncia do país asiático na economia mundial levaria a alcanzar esa cifra, desde os 300 estudantes de língua chinesa que havia na cidade no ano 2003.

O director de Proxectos Educativos da Casa Àsia de Barcelona, Òscar Pujol, mantén ao respeito desta situación que “até hai pouco, os chineses tinhan a conciéncia de seren pobres. Polo tanto, consideravan que eran eles os que tinhan de aprender línguas estranxeiras; nomeadamente, inglés. Mas todo isto mudou.”

O ensino e difusión da língua e cultura chinesas canalízase internacionalmente através do Instituto Confúcio, fundado en data tan recente como 2004 —ainda que xa existian outros organismos a menor escala—. O autor da reportaxe compara esta institución —que logo acadará as 100 sedes en diferentes países— co Ramon Llull catalán, o British Council e o Instituto Goethe.

En Barcelona pódese estudar chinés na Casa Àsia, na Escola Oficial de Idiomas, na Universitat Pompeu Fabra, na Universitat Autònoma e na Universitat Oberta de Catalunya. Cada vez mais académias privadas —e mesmo algumas escolas (como língua extracurricular, fora do horário lectivo)— oferecen a sua ensinanza.

Bodas, banquetes e funerais

2006-04-03T14:36:00.000+01:00

· Contava Joaquín Estefanía na sección de Necrolóxicas do PAÍS de sábado pasado que, hai uns anos, Simón Sánchez Montero
—veterano militante comunista, como se adoita dizer nestes casos— fora ingresado nun hospital en estado moi grave.

Nesa xeira, Estefanía era director da sección de Opìnión do xornal madrileno. Con pouco tacto, como el mesmo reconhece nesas linhas
—ampliando, ademais, esa virtude à condición de periodista—, decidiu encarregarlhe a Santiago Carrillo uma necrolóxica de Sánchez Montero.

Carrillo rexeitou a proposta mas perguntou onde estava internado o seu antigo camarada, do que se afastara cando este abandonou o Comité Central do PCE en 1991, e achegouse até o hospital para abrazar o companheiro.

· Na sempre árdua tarefa de conciliar a vida persoal e a laboral, o presidente da Xunta parece confundir a crítica política de interese xeral aos seus parceiros de governo, coa xa case esquecida función duma brigada político-social.

Experiente no tratamento da doenza, o Vice-Presidente da Igualdade e do Benestar recomenda administraren humor e quina.

O caos

2006-03-29T14:30:00.000+01:00

Os imigrantes adian a crise do sistema público de pensións espanhol até 2020 ou 2025, frente ao previsto 2012, para alén de contribuíren decisivamente ao crescimento da economia, segundo un artigo publicado hoxe en EL PAÍS.

O xornal recolhe dados do Banco de Espanha baseados en fontes de Eurostat, a axéncia estatística da Unión Europeia.

A entrada na Espanha de mais de 4,3 milhons de persoas desde 1998 supuxo que, ao peche de 2005, o 30% das persoas en idade de trabalhar eran estranxeiras.

O banco central espanhol considera que a povoación imigrante fixo posível un maior crescimento económico, pola sua aportación ao consumo, e un menor incremento da inflación e do deficit exterior.

Para este ano 2006, apesar da dificuldade do conhecimento real do volume das remesas de dinheiro, estímase que a Balanza de Pagamentos rexistrará, pola primeira vez, uma maior cuantia nas saídas dos imigrantes que nas entradas dos emigrantes espanhois no exterior.

Os feitos diferenciais

2006-03-27T08:53:00.000+01:00

O xornal EL MUNDO de 23 de Março noticiava da apresentación do livro Informe sobre a decadéncia de Catalunya reflexada no seu Estatuto, de Arcadi Espada, cun ilustrativo titular posto en boca de Albert Boadella: "O problema dos nacionalistas é a sua nenez mental”.

O director de Els Joglars enumerou as “diferéncias con Espanha” que, segundo el, estabelecian os nacionalistas cataláns en 1934 e que serian parelhas às que outros defenden na actualidade: falar catalán (“algo hai que falar; seria algo diferencial que fóramos mudos”); a sardana; a rosa de agasalho por Sant Jordi; “l’hereu i la pubilla” (figura xurídica dos primoxénitos no Direito catalán e tamén representantes elexidos para as festas); as “botifarres amb mongetes” (con feijoes); a afeizón polos cogumelos, e mais o “caganer” (personaxe do belém, que representa un home fazendo de ventre).

Boadella afirmou que posturas como as de Arcadi Espada en Catalunya levan a ver como “van desaparecendo as amizades”.

Pola sua banda, o autor do livro instou os cataláns a “expulsarmos o nacionalismo do espazo público”, no referendum sobre o Estatut, e manifestou a sua sorpresa porque “homes feitos e direitos foran quen de perpetrar un artificio intelectual da ineficácia, imoralidade e submisión política que é o Estatuto”.

“Este Estatuto non vai provocar a balcanización de Espanha, nen a sua ruptura, nen nada que atente contra a estabilidade do Estado” dixo, en contraposición ao discurso do Partido Popular. “Porén, de se aprovar, os cataláns imos viver cuma vergonha intolerável o resto dos nosos dias”.

A intelixéncia

2006-03-22T20:16:00.000Z

Os responsáveis do Ministério do Interior non precisavan nengun informe exaustivo do CNI para conhecer a situación da imigración sub-sahariana procedente de Mauritánia.

O ministro, José Antonio Alonso, salientou as detencións praticadas. O Secretário de Estado de Seguridade, Antonio Camacho, fala duma “crise humanitária gravísima”, como xa fixera o Comité Internacional da Cruz Vermelha. Pola sua banda, Coalición Canária plantexa no Senado o problema dos centros de internamento.

· Con data do 6 de Marzo de 2002, Human Rights Watch envia uma carta a Mariano Raxoi, daquela ministro de Interior, e ao Delegado do Governo para a Estranxeiria e a Emigración, a respeito das condicións de detención dos imigrantes e solicitantes de asilo nas ilhas de Fuerteventura e Lanzarote.

· En Fevereiro do ano pasado, uma embarcación de 20 metros de eslora fora resgatada con 227 persoas abordo. Coalición Canária perguntou ao ministro Alonso, numa sesión de control do Senado, sobre as iniciativas do Governo para a extensión a todas as ilhas da Comunidade Autónoma de Canárias do Sistema Integral de Vixiláncia Exterior, existente en Fuerteventura e Lanzarote.

O ministro afirmou que o estado asignaria ao Plano Integral de Seguridade de Canárias un financiamento de 11,5 millóns de euros.

· Tamén nese mes de Fevereiro de 2005 —e por mor do elevado número de imigrantes mortos frente as costas canárias— produciuse uma comparecéncia do director xeral da Garda Civil, Carlos Gómez Arruche, perante a Comisión de Interior do Senado, para aclarar se as patrulheiras adscritas ao Servizo Marítimo de Canárias son axeitadas para o salvamento de persoas.

Os imprescindíveis (e IV): o Volter

2006-03-21T13:48:00.001Z

· No número d’A Nosa Terra desta semana, que saíu à rua en quinta-feira pasada, pódese ler uma ampla resenha da Poesia en galego de Antonio Tovar, editada polo PEN Clube en dous volumes, na sua colección Arte de Trobar, cun estudo introdutório de Marcos Valcárcel e un epílogo de Alonso Montero.

· En Antonio Tovar. Conversas cun vello revoltado, o xornalista Xosé Manuel del Caño recolheu uma longa série de entrevistas publicadas semanalmente na edición ourensá do Faro de Vigo.

Reproduzo parte (tenhamos a sesta en paz, que diria o Caneda) duma das conversas compiladas no livro. A primeira intervención faina del Caño:

A DESAPARICIÓN DO VOLTER FOI UN DESASTRE PARA OURENSE

(...)
—O Volter era o punto de encontro dos pintores e escritores de Ourense.
—A desaparición do Volter foi un desastre. Alí quedaban testemuñas de textos, versos e pinturas de Vicente Risco, Quessada, Acisclo, De Dios, Conde Corbal... Pero ao morrer a muller do Tucho, pechouse o local e quedou abandonado. Veuse todo abaixo. Unha mágoa.

Lura

2006-03-20T15:13:00.000Z

Dentro do ciclo Música con Raíces (organizado polo Concelho da Corunha e Caixanova), concerto da cantante "cabo-verdiana" Lura, apresentando o trabalho Di korpu ku alma, con tres cancións novas engadidas ao CD do ano 2004.

Quinta-feira, 23 de Março
Teatro Rosalía de Castro, A Corunha.
21 horas.

[A ligazón dentro da páxina do concelho está feita, por erro, a Caixa Galicia]

Faixas ilhadas

2006-03-16T15:21:00.000Z

Organizacións neonazis da Europa Oriental ameazaron aos “xogadores negros” da selección inglesa que participen no Mundial de Alemanha
—“uma grande ocasión para que os nosos grupos dean a conhecer a nosa mensaxe”, en palavras dun ultra serbio—.

Integrantes do Frente Atlético despregaran uma faixa de trinta metros pedindo a liberdade do condeado polo asasinato de Aitor Zabaleta, durante o encontro Atlético de Madrid-Real Sociedad, e proferiran berros como “Zabaleta, fódete” ou “Ricardo Guerra, liberdade”.

Na páxina do Movemento contra a Intoleráncia pódese ler o editorial de Esteban Ibarra, presidente da organización e membro do Observatório do Racismo e a Violéncia no Deporte, tamén publicado o domingo pasado en El País.

Bibliomóvel

2006-03-14T13:22:00.000Z

Esperemos que a nova iniciativa de Biblos e Tucho Calvo, xunto coa AELG e Galiza Nova de Bergantinhos (em Carvalho) tenha o sucesso que merece; assim como outras desenvolvidas no sul:

“Desde Setembro do ano passado, uma bibliomóvel está a incentivar o hábito de leitura junto de dezenas de estudantes das escolas e prolongamentos escolares do concelho de Armamar, distrito de Viseu.” (...)

“Para cativar a atenção e o gosto pela leitura, a Biblioteca de Armamar prevê levar junto dos seus leitores um idoso para que, mesmo sem livro, conte as suas histórias.

(...) somente quando a bibliomóvel pegou a estrada «muitas crianças manusearam, pela primeira vez, um livro».

Para que o universo de leitores aumente ainda mais, Susana Valente [uma das responsáveis do centro] pretende levar a biblioteca sobre rodas aos lares e às Instituições Particulares de Solidariedade Social (IPSS) do concelho.”

Os Dias de Janus

2006-03-14T13:17:00.000Z

“OS DIAS DE JANUS – Perspectivas Sobre a Transição do Cinema ao Vídeo em Portugal”
(Porto, 13 a 16 de Março 2006)

“Os Dias de Janus é um programa de formação, de divulgação e de reflexão em torno do momento histórico do aparecimento e desenvolvimento do vídeo, em Portugal.”

Semana do Livro em Lisboa

2006-03-14T13:14:00.000Z

A Casa de Angola em Lisboa levou a efeito uma semana do livro entre 3 e 11 de Março.

O desassombro

2006-03-10T13:41:00.000Z

Foise embora o presidente da república portuguesa, Jorge Sampaio. Entre os últimos actos do seu mandato, o Diário de Notícias recolheu uma visita ao cárcere de Lisboa, onde foi recevido polo director-geral dos Serviços Prisionais, Luís Miranda Pereira, acompanhado polo ministro da Saúde, quen pouco despois abandonaria o centro por ter outro compromiso.

O director-geral lamentou a auséncia do ministro, pois tinha duras críticas que facer à falta de cooperación entre os ministérios da Justiça e da Saúde para procuraren solucións aos problemas sanitários da povoación reclusa [dificuldades de articulação entre prisões e Centro de Atendimento de Toxicodependentes, dificuldades dos serviços prisionais contratarem médicos no exterior, ausência de coordenação e direcção clínica do sistema de saúde penitenciário].

"Há 20 ou 30 anos havia médicos residentes nos estabelecimentos prisionais, hoje estão algumas horas, fazem atendimentos curtos", dixo o Miranda Pereira.

O presidente concordou e agradeceu a sinceridade e franqueza
(“o desassombro”) do director-geral dos Serviços Prisionais.
“Muitas vezes nestas reuniões olhamos todos uns para os outros e não dizemos o que é preciso ser dito", afirmou.

Déveda histórica

2006-03-08T15:03:00.000Z

“Os países en desenvolvemento deven a Espanha uns 10 mil milhóns de euros. América Latina é a rexión mais endevedada, con case o 35% do total. Nos últimos anos, o Governo espanhol foi avanzando na sua política de xestión da déveda externa, mas ainda hai moito por facer”.

O Congreso dos Deputados está a debater a tramitación duma nova lei reguladora do tratamento da déveda contraída con Espanha polos chamados países mais pobres.

Perante esta situación, Intermón Oxfam ven de editar un díptico en castelhano dentro da sua campanha CORTA COA DÉVEDA, onde figuran os dados do encabezamento deste comentário. Prescindindo da confesionalidade e os intereses particulares de calquera organización, paso a resumir o seu contido.

Uma das folhas deste díptico está formada por dous cartóns postais recurtáveis. O primeiro consiste numa solicitude xa impresa para dirixir ao grupo parlamentar do Congreso que a persoa subscribinte desexar, pedindo a aprovación duma lei sobre a déveda externa con catro demandas básicas:

· Condoación da déveda externa dos países mais pobres.
· Promoción dun novo sistema internacional que contribúa a erradicar o problema.
· Estratéxias de prevención dun novo endevedamento.
· Desenvolvemento duma política planificada, participativa e transparente que aporte uma resposta duradeira.

O outro cartón, dirixido à sede de Intermón Oxfam en Barcelona, é uma adhesión à petición da ONG “para que o Parlamento espanhol aprove uma Lei de Déveda Externa que aporte solucións definitivas”.

As convencións

2006-03-06T17:51:00.000Z

A capa do xornal El País de sábado pasado amosava ao Mariano Raxoi e a José María Aznar sentados no chao do Woodstock que o Partido Popular argalhou en Madrid esta fin de semana.

Os que andamos ouveando o noso rancor polas bitácoras temos de sospeitar, despois de ver esa imaxe, que por moi desconhecedores dos princípios reitores da Ciéncia Política e da Semiótica que sexamos, algun pequeno cabo deveu ficar solto.

Pois pode ser comprensível que de alcunhar ao oponente de “líder pancartista” se pase a bater o récord de participación en manifestacións antigovernamentais capitalizadas por un partido demócrata ou centrista. Tamén que un xefe de governo ameace a un grupo armado co desapiadado e aldraxante carimbo de Movimento de Libertaçom Nacional. E tampouco causará maior sorpresa que o presidente fundador honre a memória dos militares artífices da tentativa de golpe de Estado e o secuestro de Governo e deputados.

No entanto, resulta uma aportación filosófica de fondo calado e muito orixinal por demais, que nun mesmo acto se conxuguen dous polos culturais dificilmente harmonizáveis. O espírito hippie da sentada presidencial que inícia este comentário, xunto coa revisión contemporánea da xenreira punk que resumia o slogan da convención popular (“Hai futuro”).

Porque toda ética precisa asemade da sua estética. Ou como escrevera Camus: “Rematamos sempre por posuír o rosto das nosas verdades”.

A xustiza enlatada

2006-03-03T15:43:00.000Z

A empresa conserveira Calvo está a deslocar parte da actividade da factoria ubicada no lugar de Somorto, en Esteiro, concelho de Muros, à república de El Salvador.

A posibilidade de criar postos de trabalho e riqueza noutras terras non agocha a competéncia desleal que conleva a produción en condicións non axeitadas à lexislación vixente no país de orixe.

O respeito das normas de contratación, seguridade e hixiene no trabalho, medioambientais, as condicións laborais ou a adecuación salarial son aspectos cuantificáveis economicamente.

Cando as empresas deciden estabelecerse en estados onde a lexislación —ou a inoperáncia prática dos órgaos responsáveis de velar polo seu cumprimento— permite (mais ainda que na "metrópoli") a redución drástica de costes, realmente están conculcando as leis do estado social de dereito e distorsionando o conceito de libre mercado.

O Iscariote

2006-03-01T16:54:00.000Z

Fora da discriminación xeralizada que sofre o reintegracionismo por parte de institucións oficiais e editoras, salvo salientáveis excepcións, ven de convocarse o Prémio Espiral Maior, segundo di o titular de VIEIROS: “aberto a Portugal”. Porque cabe supor que esa apertura inclui todas as variedades existentes do galego reintegrado.

Uma semana atrás presenteime como único responsável deste blog ao criador da editora convocante do certame e asegureilhe que, embora o escrito nel en várias ocasións, eu non tinha nada contra a sua persoa.

Por suposto, mentín. Mas estamos a falar de 12.000 euros. Ainda que sexa poesia.

Non che parece cousa séria, Jaureguizar?

24-F

2006-02-24T14:27:00.000Z

Aos heróis do dia despois: a Sua Maxestade El-Rei de Espanha e o Manuel Fraga Iribarne, tamén valedor do artigo 8 da Constitución Espanhola contra o Parlamento e o Governo bascos, agradecerialhes
—como homenaxe ao Núñez Feijoo— aceiten o agasalho dun agradável paseo português.

· Patologia Social
· Abutere

O 20%

2006-02-22T15:18:00.000Z

Esta manhá recevin uma chamada do Servizo de Atención ao Cliente de Movistar na que me pediron os meus dados persoais. Por facilitarlhe o seu trabalho à operadora, din o meu nome mas negueime a dizerlhe o meu número de DNI, momento no que a rapaza despediuse e cortou a comunicación.

Para evitar un posível acópio ilegal de dados ou estafas a outras persoas, decidin chamar ao devandito Servizo e perguntei se me podian atender en galego. Despois de mantermos un diálogo absurdo, dixéronme que non e confirmáronme que a chamada anterior fixéraa uma operadora sua.

Aproveitei entón para solicitar a minha baixa de Movistar até que puxeran en funcionamento un Servizo de Atención ao Cliente en língua galega. Pasáronme a un responsável do departamento correspondente, quen quixo facerme ver que tinhan operadores en inglés, francés e alemán; ao que lhe retruquei, en inglés (xa se sabe que a ignoráncia é moi ousada), que eu só desexava falar na minha língua —por outra banda, oficial na Comunidade Autónoma desde a que estava a falar, segundo o Estatuto de Autonomía de Galiza,
etc—. O feito de eu falarlhe en inglés (?) e nun ton distendido fixo que o tipo adoptara melhores modais dos que amosara até entón. Semelhou que “comprendera a minha mensaxe”.

Insistin en que queria darme de baixa e que me avisaran, se querian, cando dispuxeran do servizo en língua galega, para contratar de novo con Movistar. Deixei claro que non queria sentirme coaccionado a empregar outra língua diferente da minha e só pretendia que se vira reconhecido o meu dereito a falar na língua oficial da Comunidade Autónoma de Galiza.

O responsável pediume uns intres para falar cun “superior”. Despois duns poucos segundos díxome que tramitarian a minha “reclamación” e ofereceume un desconto dun 20% nas minhas chamadas. Rexeitei o desconto e díxenlhe que continuaria como abonado de Movistar só se el persoalmente se encarregava de levar a bo termo a minha solicitude. O home comprometeuse a levar a cabo a encomenda, demostrando comprender o fondo da situación.

Despedímonos cordialmente mas, iso si, en ningún momento falei uma palavra en galego. E, xa que logo, non é a primeira vez que algo semelhante me acontece.

Corazón de porco

2006-02-20T15:53:00.000Z

“Um carácter que em princípio só apareça, como manifestaçom atávica do criptótipo, nuns poucos indivíduos poderá difundir-se numha populaçom desde que goze de vantagem selectiva e, nalguns casos, poderá mesmo tornar-se característico da espécie, transmitindo-se como tal às espécies filhas”.
(Walter Sudhaus e Klaus Rehfeld, Manual de Evoluçom e Sistemática, Laiovento; traduçom de Carlos Garrido)

Entramos no tempo litúrxico das laconadas do Entroido coa sua conseguinte sobremesa de orelhas e filhoas. Alguma análise antropolóxica vinculará esta ancestral prática ritual coa inxesta de proteínas, graxas e hidratos de carbono indispensável para a subsisténcia dos homínidos cazadores-recolectores (e suponho que tamén para quen tivera calquera outra ocupación ou pasatempo). Outra xente falará dos mais recentes tempos da fame.

Porén, acudimos xeralmente à chamada da carne simplesmente para desfrutar dun xantar acompanhado de vinho, auga ou o que a cadaquen mais lhe prestar e, fundamentalmente, para botarmos a língua a pacer —que, dadas as últimas novas da corte, haverá matéria abonda sobre a cal praticarmos o desporto no que acadamos as mais altas cotas internacionais—.

Numa entrevista realizada uns meses atrás en Radio 3, Efrén López, multi-instrumentista fundador do grupo valenciano L’Ham de Foc, explicava o significado do título da sua nova gravación: Cor de Porc.

As suas inquedanzas musicais fixérono evoluir desde uma antiga devoción por Led Zeppelin —e nomeadamente pola man mais acústica do teclista e intérprete de diversos instrumentos de corda, John Paul Jones (autor tamén de pezas baseadas na música ibérica do XVII)—, pasando pola renovación da música do País Valencià con Al Tall e Miquel Gil, até a confluenza das diversas fontes tradicionais mediterráneas que caracteriza o trabalho da banda que formou coa sua companheira Mara Aranda, letrista e cantante do grupo. Mesmo non duvidaron en trasladárense a Creta co seu filho para poder estudar con Ross Daly, irlandés especializado en músicas modais gregas e do Mediterráneo.

Contava o Efrén na entrevista que, falando cos músicos que participaron na gravación, queria expresarlhes a insatisfacción que sentia cando non conseguian acadar o resultado que estava a procurar (quen tivera ocasión de escoitalos hai un par de anos, en Compostela ou Lugo, na apresentación de Cançó de dona i home decataríase do seu perfeccionismo). Esa sensación de baleiro era o que pretendia transmitir: o desacougo de ficar, en palavras suas, co corazón como o dun porco.

Seica, nesta tesitura, dizian por terras de Celanova: "O caso é que sexan saninhos".

Campanha eleitoral

2006-02-16T08:34:00.000Z

Se o que pretenden é restar votos ao BNG, pola minha parte xa o conseguiron.

Se o fascista conspira na sombra
O que faz falta é avisar a malta
O que faz falta é dar poder à malta

José Afonso

Enxebreza e prexuízo

2006-02-15T12:33:00.000Z

Os soldados negros afectaban ás veces entre eles mesmos un “acento negro” sumamente pronunciado —canto menos respectaban a gramática, mellor—. Asasinaren a gramática parecíalles un pracer; encontraban aí unha forma de compensaren simbolicamente os sentimentos de frustración.

(Gordon W. Allport, A natureza do prexuízo, citado en Idioma e poder social, de Rafael Lluís Ninyoles)

A máquina rexistradora

2006-02-13T09:44:00.000Z

Tan fundamental como a liberdade de expresión, se non mais, é o dereito a recever uma información veraz, obxectiva e contextualizada.

Os profesionais da información padecen inumeráveis travas no exercício do seu trabalho e a ninguma persoa se lhe vai esixir uma conducta heroica. No entanto, existen determinadas actitudes entre moitos membros de colectivos socialmente moi pechados, como xornalistas, médicos e políticos, que manifestan uma falta de rigor e un fondo desprezo autosuficiente cara o resto da povoación.

As principais coaccións para os xornalistas poderian vir das contas de resultados e o conselho de administración. As cotas de programación, o volume de vendas e a defensa duma linha concreta de intereses poden ser mais prexudiciais para o informador que uma censura aberta e directa; entre outras cousas, porque o periodista cede perante o espelhismo das cifras e as presións editoriais como se foran o destino ineludível: a férrea ditadura do “éche o que hai”. En comparación con esta censura intanxível —e a meirande parte das veces autoimposta—, nen a premura do tempo nen as propostas dos xefes son significativas.

Xa que logo, plantexarse todo isto só teria certo sentido nun mundo no que os profesionais da comunicación se preocuparan do alcance social do seu trabalho; se o cinismo e a síndrome do queime non imperaran maioritariamente entre o grémio.

A vontade crítica axuda a distinguir o xornalista do mero escrevente e opinador a soldo.

O brazo incorrupto

2006-02-10T08:25:00.000Z

Francisco José Vasques Vasques vai ser nomeado embaixador de Espanha perante a Santa Sé.

Franco finou na cama; Fraga Iribarne, nas urnas e Vasques, nas saias do Vaticano.

Non sei o que dirá a História da sua persoa, mas agardo que polo menos a xustiza non o absolverá.

Casa Ébora

2006-02-09T11:01:00.000Z

Partidos da esquerda tentam organizar uma frente comum.

Canhóns por banda (Caricatura aberta à SGAE)

2006-02-08T13:18:00.000Z

Estigmado Eduardo Bautista e demais tropa de artistas e xurisconsultos:

Levo anos realizando uma actividade artística pola cal, até hoxe, ainda non recevin retribución alguma –fóra do consecuente prazer espiritual e físico do acto criativo– e acho que, embora simples galego submetido à lexislación do Reino de Espanha e da Unión Europeia –que en paz descansen–, como autor intelectual e material duma cuestionável obra multidisciplinar, véxome na moi satisfactória obriga de asignarlhes a sua correspondente parte do pastel.

A minha intervención plástica (para alén do conceito de instalación e performance) consiste na transformación dun material orgánico de diversa composición, textura e procedéncia, por meio duma complexa reacción fisico-química gastro-duodenal parasimpática, nun produto filharmónico, escultórico, aromaterapéutico e gastronómico que, sen perxuízo de melhor critério e deixándoo à livre consideración do receptor da obra, decidin baptizar cuma eufónica onomatopeia e, asemade, estarrecedora metáfora do desacougante impacto pragmático-resolutivo asistencial que caracteriza aos nosos tempos.

“EAGS”, en fin, ven sendo o nome deste meu morno artefacto partoxenético.

Para calquera comunicación ou calquera outro acto –consentido por ambas as minhas partes– que quixeran levar a termo, poden ponherse en contacto con esta bitácora ou ben dirixirse a:

autoresdemerda.com (páxina persoalmente transferível)
canonpirata@sxamc.es (Sociedade Xeral de Autores da Mesma Corda, en constitución)
tomarvento.org

Dereitos humanos no Estreito (1)

2006-02-02T17:44:00.000Z

· Umas 10.000 persoas perderon a vida tentando entrar en território espanhol desde Marrocos durante os dez últimos anos, segundo se informou no Congreso Mundial sobre Movimentos Humanos e Imigración, dentro do Forum de Barcelona 2004.

· Entre 8.000 e 10.000 persoas morreron ou desapareceron no Estreito entre 1989 e 2002, segundo o estudo realizado polo Consórcio Euromediterráneo para a Investigación Aplicada sobre Imigración Internacional (CARIM).

· No entanto, a imigración subsahariana supón só un 4% do total da povoación imigrante en Espanha.

Dados do informe da Asociación Pro-Derechos Humanos de Andalucía (APDHA):

·1) 1997: 149 mortos ou desaparecidos contabilizados.

A Asociación de Amigos e Famílias das Vítimas da Imigración Clandestina (AFVIC) afirma que entre 1997 e 2001 recuperáronse, nas duas beiras do Estreito de Gibraltar, 3.286 cadáveres de imigrantes afogados, ainda que calcula que por cada corpo recuperado hai tres desaparecidos.

·2) 1998: 189 mortos ou desaparecidos contabilizados.

·3) 1999: 66 mortos ou desaparecidos contabilizados.

O xornal marroquino Libération estima en 3.450 os mortos na década dos 90.

·4) 2000: 230 mortos ou desaparecidos contabilizados.

·5) 2001: 88 mortos ou desaparecidos contabilizados.

·6) 2002: 152 mortos ou desaparecidos contabilizados.

·7) 2003: 236 mortos ou desaparecidos contabilizados.

·8) 2004: 289 mortos ou desaparecidos contabilizados.

·9) 2005: 368 mortos ou desaparecidos contabilizados.

A cidade da cultura

2006-02-01T10:04:00.000Z

Depois da conferéncia do vicepresidente da Xunta, o pasado dia 18, no Instituto de Estudios Políticos y Sociales, baixo o título de "A Galicia responsable", hoxe amplíase a oferta cultural da Corunha coa disertación do Secretario de Organización y Coordinación da Comisión Ejecutiva Federal do PSOE, José Blanco López, que estará acompanhado polo alcaide da cidade herculina e mais o Secretário Xeral da Agrupación Socialista Corunhesa e concelheiro, Javier Losada.

Data e horas: Hoxe, quarta-feira, 1 de fevereiro às 20 horas.
Título: La España plural.
Lugar: Hotel Hesperia, Rua Juan Flórez, 16, A Corunha.

Por outra banda, amanhá, dia 2 de fevereiro, quinta-feira, terá lugar a apresentación do primeiro número da colección Letras da Academia, Poesía Galega Completa IV. Os Eoas (a obra está mais abaixo no listado desta ligazón), de Eduardo Pondal, edición de Manuel Ferreiro, e mais Estudos sobre Os Eoas de Eduardo Pondal, de Xosé Ramón Pena e Manuel Forcadela.

Dialéctica

2006-01-30T16:25:00.000Z

Do zoroastrismo à esquerda hegeliana, os antagonismos fixeron mudar o mundo. Luz e escuridade, gregos e persas, Yihad e Cruzada, Razón e Fé, a Gran Colómbia e a Espanha, o Lenine e a Operação Triunfo.

Nos nosos dias, o conflito materialízase no dualismo entre neoliberais e altermundialistas, constitucionalistas e independentistas, reintegracionistas e isolacionistas, autores e editores.

Se ben é certo que ceder perante o oponente sen contrastarmos a sua visión coa nosa própria aproxímase muito ao desprezo de "darlhe a razón como aos idiotas", non resulta menos absurdo mantermos uma postura contra toda lóxica.

Uma máxima do grande estoico da Bética sintetiza esta dualidade à perfección: “Daria meia vida por defender as ideias dos nacionalistas; a outra meia precísoa para evitar que consigan levalas a termo”.

Os imprescindíveis (III)

2006-01-25T13:27:00.000Z

Sobre a polémica dos chamados dereitos de autor, Manuel Bragado aclara hoxe na Voz que o início, hai 26 anos, do seu pagamento por parte de Xerais “arrastrou a outras empresas a facelo”.

Pilar Sampil, xerente de Galaxia, editora que paga “relixiosamente aos autores dende hai 24 anos”, asegura que “hai un ruxe-ruxe por problemas puntuais de alguén, pero non se pode xeralizar”.

Para Miguel Anxo Fernán Vello, presidente da Asociación Galega de Editores, criador de Espiral Maior e ademais autor, “involucrar á administración no control dos dereitos está fóra de lugar, porque non lle compete ser árbitro cando existe un contrato privado” e lembra “que, en caso de se incumprir, están os xulgados competentes na materia para intervir”.

Prosegue dizendo Fernán Vello que no mercado do livro galego resulta “inviable o pago de dereitos de autor en tempo e forma, sobre todo cando se trata de poesía, xénero no que hai autores que propoñen pagar eles a edición”.

Xosé Henrique Acuña, de Edicións A Nosa Terra, afirma que “non temos débedas voluntarias (?) con ningún dos nosos autores” e remata por conceder: “aínda que haxa quen negocia publicación sen dereitos”.

Tamén é interesante a chamada ao sosego que fai o presidente da Asociación Galega de Editores cando deixa cair que “É o que hai, e se houbese corsés as editoriais non apostarían por autores novos”.

A canción de Roldán

2006-01-17T15:48:00.000Z

Agora que a democracia espanhola está xa madura e firmemente consolidada, pode ser positivo botar a vista atrás.

O PSOE e o primeiro director xeral non militar da Benemérita atribuian as primeiras críticas a sua xestión do instituto armado á condición de civil deste singular personaxe, posteriormente novelado por Vázquez Montalbán, numa sociedade na que o Exército ainda era o principal poder fáctico.

Jordi Pujol desviava a atención sobre as próprias responsabilidades nos escándalos económicos nos que tanto el como membros da sua família se viron involucrados, acolhéndose ao sinxelo, embora eficaz, sistema de suplantar a identidade da sempre etérea Catalunya.

Mais sensível, humano e convincente, Juan Guerra, destacado irmao do vicepresidente livreiro, xustificava a adquisición dun cavalo asegurando que o mercara para achegar a ledícia a uns cativos “mais mortos que vivos” que nunca viran un animal desa espécie.

Os séculos imbéciles

2006-01-13T16:01:00.000Z

Os membros do Partido Popular Revolucionário da Mongólia abandonaron o governo de coalición, após as movilizacións populares dos últimos dias, pola ineficácia do Executivo na súa política contra o estancamento económico e a corrupción.

Cousa nosa

2006-01-11T15:12:00.000Z

Como votante do BNG, poderia agardar peores resultados, transcorridos mais de seis meses de governo:

· Incremento de cargos intermédios na Administración galega, agravado co engano da redución aparente de altos cargos.
· Acordo para establecer un aumento dun 10% nos soldos dos deputados.
· Nepotismo (mulher do conselheiro de Presidéncia, nomeada vicepresidente do Conselho Escolar), clientelismo e endogámia.
· Meios de comunicación afíns ou dependentes permanecen silandeiros, son silenciados ou manipulan a información, vencelhando a sua orixe co Partido Popular.

Ao BNG cómprelhe pasar da situación actual de demagóxia e mera imaxe ao trabalho efectivo e a actividade política.
Ao votante quédalhe o recurso de emprender accións políticas e legais.

Fina estampa

2006-01-05T15:21:00.000Z

Uma emisora de rádio facíase eco, esta manhá, dos comentários despectivos que outros meios fixeran da indumentária de Evo Morales. Un dos colaboradores do programa en cuestión quixo louvar o xersei do presidente boliviano asegurando que se tratava duma prenda muito cara.

Muitas persoas da Galiza desexan adheriren ao carro dos estados mais desenvolvidos do planeta. Apesar das graves contrapartidas que sofreu nomeadamente o sector primário, mas sen deixar de constituírense nuns esmoleiros da Unión Europeia, prefiren esquecer as outras filhas de Rosalia espalhadas polo mundo.

Selección natural

2005-12-30T15:05:00.000Z

O partido de onte serviu tamén para que mais meios de comunicación e periodistas empregaran o galego.

Esta utilización por parte de persoas que adoitan usar o castelán, e que alguén cualificará de ocasional ou litúrxica, é digna de reconhecemento e agradecemento. Porque a escolha de língua tampouco é inocente.

Ainda que non sexan fumadores, no seu interior ben o saben.

Os imprescindíveis (II)

2005-12-27T16:07:00.000Z

Despois de bastante tempo sen ler o blog promocional de Jaureguizar (xa que logo, ten todo o dereito e, de feito, se el non se preocupara, ia dado) vexo que concordo na consideración que autores, editores e Administración deven ter cos leitores.
Alén dos clubes minoritários, faise precisa a criación duma mais extensa Asociación de Leitores e Espectadores da Galiza (ALEGA poderia ser un nome), con intención de exixir dereitos e expor iniciativas para facer fronte á incúria e prepoténcia dos sectores implicados na parálise cultural.

Tocando as bolas

2005-12-27T16:01:00.000Z

O livro de agasalho no partido da selección galega (parabéns ao Pereiro e o Souto) é moi boa intención. Mágoa que a escolma sexa un novo xeito de afastar a calquera persoa que non estea xa convencida.

A cartilha

2005-12-23T17:03:00.000Z

Ainda que García Márquez falara cos brazos apoiados no respaldo da cadeira e arranxara o seu mundo galego-gorbachoviano mentres se mazava con Fidel, tamén dixo que o escritor conhécese mais polo desbotado que polo publicado.

Que, mesmo no seu caso, non vai ser todo conto.

Os imprescindíveis (I)

2005-12-21T14:49:00.000Z

O feito de viviren dos leitores -directamente ou polo meio das subvencións- non pode interferir na independéncia de xornalistos (xente alheia á profesión, as mais das veces), editores e editoras.
Bo Antroido e feliz ano.
(Parafraseando aos reis da Transición: A próxima semana, falaremos da edición).

As portas da perfección

2005-12-16T15:00:00.000Z

Na muito cansativa e pouco valorada procura da flor da santidade, as tentativas deverian ser pago abondo nos ateigados furanchos de Feáns, Teixido, Boisaca ou Catabois.

Branco e preto (2): Desconexión temporal

2005-12-14T15:31:00.000Z

O reconhecemento dos méritos persoais ou colectivos representa un acto de xustiza e gratitude que transcende o fútil exercício da vaidade.

Un conto moi velho, recreava un formoso universo onírico no que a vontade popular outorgara a Medalha de Ouro da Galiza ao Álvarez Cascos, pola súa destacada actuación perante a catástrofe do Prestige e máis o Prémio Galiza da Comunicación televisiva ao Alfredo Urdaci, polo exercício duma información obxectiva, veraz e sen dramatismos.

Ben cedo, Francisco Vasques poderá engadir a Gran Cruz de la Orden Civil de Alfonso X, el Sabio, á extensa colección de distincións internacionais que condecoran o seu peito.

Hoxe, o presidente da Asociación Galega de Editores salienta a seriedade e induvidável calidade literária dalgúns blogues. No nome de todas as persoas agraciadas: obrigado, Miguel Anxo, por ofereceres tan diáfano espelho.

Por fortuna, os nobres costumes nunca se perden.

Branco e preto (1): Carta de axuste

2005-12-09T17:06:00.000Z

O telexornal da NovaTVG é uma manifestación encomiável de ilustración popular e pluralidade. A información cultural de hoxe estivo protagonizada pola presentación duma biografia de Felipe González. Demonstrando que o saber pode ocupar case tanto lugar como o deporte, adicóuselhe praticamente o mesmo tempo —ainda que algo menos dos meios— que se asignarian para noticiar do celo duma mascote de Victoria Adams. O autor, tentando falar un aceitável galego, denunciou a persecución de que fora obxecto o moi honorável ex-mandatário espanhol.
A sección de Cultura e Espectáculos foi complementada coa notícia da publicación dun livro sobre un sindicato pioneiro na reconversión imobiliária.

Vozes autorizadas

2005-11-25T12:01:00.000Z

Un dos mais graves resíduos do franquismo é a aversión á liberdade de expresión.
O princípio de autoridade clásico —baseado nas estruturas de poder, mas tamén parcialmente no conhecemento— sustituiuse por uma aberta apropriación simbólica e efectiva, pola elite dominante, deste dereito fundamental inalienável.
Persoas ainda impregnadas da sociopatoloxia fascista amosan ás claras a súa fóbia antidemocrática, cando alguén desprovisto da lexitimidade que se arrogan os meios de transmisión ideolóxica,
públicos ou privados, ousa expresar a súa opinión.

O silenciador

2005-11-23T11:01:00.000Z

Graças a Deus, alguma xente ainda ten mais que dizer.

Velhos inimigos

2005-11-21T10:27:00.000Z

Radio Nacional de España reuniu hai uns días a Manuel Fraga e a Santiago Carrillo para falar da Transición e a evolución da política espanhola desde a morte de Franco.
Os dous antigos oponentes dedicáronse abundantes mostras de eloxio mutuo. Carrillo sempre lembra, agradecido, que foi Fraga quen fixo a súa presentación pública en Madrid, no Club Siglo XXI, cando o daquela Secretário Xeral do Partido Comunista de España era a besta negra da ultradereita. O ex-presidente da Xunta salientou a aportación de Carrillo ao chamado eurocomunismo e reprochou ao PCE que tivera prescindido da súa figura política; decisión que o decurso do tempo, ao parecer, demonstraria errónea.
O antigo dirixente comunista louvou o estilo de oposición que Fraga representava nas Cortes espanholas, atribuído polo de Vilalba á súa estadia como embaixador no Reino Unido, de onde tomaria o conceito británico da “leal oposición da Súa Maxestade”.
Moito xabrón, desde logo, entre os dous homes, que tamén fixeron alguma graça sobre as súas avanzadas idades.

Escoitando aquela amável conversa, o ouvinte quixera ficar coa imaxe dos dous velhos companheiros de escano e de contenda política; de dous seres humanos facendo uma retrospectiva das súas vidas, toda vez que se atopan xa perto do final.
Un quixera esquecer as actuacións mais extemporáneas de Fraga na Galiza; en absoluto conciliáveis co desempenho dun cargo institucional democrático.
O mais doado, de feito, seria simplesmente esquecer.

Cita a cegas

2005-11-18T18:26:00.000Z

A analoxia é a única linguaxe que pode comprender o subconsciente. (Carl Gustav Jung)

Fin de obra

2005-11-17T12:33:00.000Z

Para salvar a pátria e o mundo hai que vir ao norte.

Acabo de cruzarme cuma mulher morta, tirada no chan. A minha sensibilidade social e a fondura existencial que me caracterizan, seguen a ser as mesmas.

Sen relación aparente co corpo insepulto, non volverei votar BNG até que se rectifique a violación da presunción de inocéncia dos militantes da AMI ilícitamente detidos.
Non simpatizo coa práctica política desta organización, mas iso non ten nada a ver.

Evitando os ícones de bo rolhinho, prefiro aclarar que todo isto non ten destinatário ningún.

A mordaza

2005-11-15T21:16:00.000Z

Durante as revoltas de Tiananmen, algúns soldados preferiron suicidarse antes que disparar contra o povo.
Aqui só se pide respeito aos dereitos humanos.

Ubi sum?

2005-11-11T14:59:00.000Z

Para resolver o problema das identidades na Galiza, vai ser precisa uma carta nacional para circular polos eidos vernáculos e outra carta verde para viaxar polo exterior.

“Eu quero ser Emilio Cao” (Juliam Hernandes e Sílvio Rodrigues)

Cando se fala de culturetas, onde se meten estas persoas?
Conhecerán a súa masa crítica os alcaldes metrosexuais, metrolixeiros e metrosidero-metalúrxicos?
Cal é o sexo ou o xénero do próprio sistema literário galego?
O que eu me pergunto a cotío, con grande desasosego, é: u-nós?

(A entrevista d’A Nosa Terra a Teresa Moure é ben interesante. Ainda que non se concorde coas súas teses, penso que paga a pena lela).

Estado de malestar

2005-11-09T20:14:00.000Z

Un rapaz declarava ao xornalista que “doen mais as palavras do que os golpes".