Presidente

Na pantalha sucédense os gráficos cos resultados detalhados.
—Tenha uma pouca auga, Presidente.
Apura o vaso dun grolo até o final e salouca.
—E logo a súa filha por onde anda? Non me dixera que ma quería presentar? Uma rapaza ben fermosa, por certo.
—Sabe que para min será vostede sempre o Presidente.
—Sei que conto coa súa fidelidade e que a minha confianza nunca se verá defraudada, querido amigo. Mais a súa filha, non tinha tanto interese en conhecerme?
—Bom, xa sabe como é a xente nova, que vai ao seu e o demáis pouco lhe importa.
Nun recuncho, a rapaza fala coa única persoa na sala que non perdeu o sorriso.
—Verá, Presidente. Saíu convocada uma praza en Ourense e, por iso, a nena foi falar co filho do outro.

Foros

Segundo Henrique Monteagudo, o documento máis antigo escrito en galego, dos atopados até hoxe, data de 1228. O chamado Foro do bo burgo de Castro Caldelas xa era conhecido, mais pensábase que era uma versión ao galego do texto latino. Monteagudo afirma que se trata do texto orixinal, pois ten impreso o selo real, e foi redactado por un notario na lingua da Galiza.
Na actualidade, só conhezo uma notaría —en Lalín, condado do Deza— na que, polo menos hai uns anos, facían as escrituras en galego.

Francotiradores

Boa coincidencia de premios, porque Cabaret Voltaire, do Jaureguizar, recibiu o García Barros e Os pecados capitais, de Francisco Vidal, o Terra de Melide, que publica francka editora -dirixida por un francotirador da edición galega: Franck Meyer.

Breve Crónica das Índias (e IV)

pra ver a banda passar
cantando coisas de amor

Chico Buarque

Terra batida

Varios centos de miles de persoas, manifestáronse o sábado en Madrid contra a resolución do Congreso favorábel a uma negociación do goberno espanhol con ETA.
O mesmo día, xuntábanse varios milheiros en Bilbao, baixo o lema “Agora o pobo, agora a paz”.
No primeiro caso, sen embargo, os dous contendentes reais eran outros.
A manifestación de Madrid, convocada nominalmente pola Asociación de Víctimas del Terrorismo, enmascaraba uma demostración de forza do Partido Popular, dentro da súa campanha xeral de obstrucción sistemática das accións de goberno do PSOE. A utilización, máis uma vez, das víctimas é tan diáfana como a evidencia de que detrás da convocatoria por un particular dos actos de Bilbao, está Batasuna.
O Movemento de Liberación Nacional Basco, así chamado polo propio Aznar cando mantinha negociacións co seu goberno, atópase nun momento de especial debilidade. Carente de financiamento pola parte do Estado -semelha que tamén a través do imposto revolucionario, e con detencións de numerosos e relevantes membros, afirma Otegui que está predisposto á paz.
Arestora, o Partido Popular ten a vantaxe mais o PSOE está en posesión do saque. Confiemos en que se decaten de que a pelota, nesa terra, non é un xogo.

Quem mais ordena

Onte, na Corunha, un brasileiro díxome que os seus companheiros de trabalho falan todo o día en galego “porque eles são da aldeia”, sen eu lhe preguntar nada sobre o asunto. Expliqueilhe, con tranquilidade, o esencial da situación legal da lingua na Comunidade Autónoma, sen apenas entrar noutros aspectos, e ficou serio e calado.
Hoxe lin na Voz a nova da publicación, en Xerais, do estudo Estatuto xurídico da lingua galega, de Xavier Ferreira, Alba Nogueira, Anxo Tato e Luís Villares Naveira. Non tenho constancia de que se falara del en Brétemas, mais tampouco hai tanto tempo que sigo a bitácora. Por certo, súmome á súa louvanza de Lamatumbá.